BLOG


FEATURED
CATEGORIES

BALL ROOM學堂:星際氣墊球

August 17, 2017

好玩嘅遊戲緊係唔止上次介紹過嘅桌上冰壺啦!BALL ROOM嘅星際氣墊球都好出色,四個朋友上嚟玩包你地唔捨得走呀!


由美國空運過嚟BALL ROOM嘅星際氣墊球著咗燈好靚,真係名符其實嘅galaxy嚟架!


企喺四個角位,四個玩家分別需要守住自己嘅城,同時都要攻打人地個城。

以前細個玩嗰隻氣墊球機,多數都係鬥高分,但係呢部4Way Air Hockey就係淘汰際嘅。四個玩家,每人有5條命,每次失球就會扣一條命。每一關遊戲限時三分鐘,如果玩家比人扣哂5條命,小氣窗就會閂埋,剩低嘅玩家就繼續進行淘汰。而最後一個無被淘汰嘅玩家,就為之贏喇!


唔好睇小呢塊咁薄嘅氣墊球,玩起上嚟隨時會好似星球大戰咁亂咁刺激架!


四人對戰同一對一唔同,呢個星際氣墊球鬥智鬥力鬥速度,需要唔同策略。遊戲初期,可以先成為同盟,然後守好自己個城之餘,都要把握機會入球。

節奏快到你唔信,你敢唔敢嚟挑戰下呢?

BALL ROOM | Leisure 消費享樂 | Lifestyle 生活品味 | Sports 體育世界 | Trend 潮流玩物 | Venue Update 場料報道