BLOG


FEATURED
CATEGORIES

運動消閒博覽:後記

July 28, 2017

一連五日嘅運動消閒博覽2017完咗喇!好多謝大家嘅支持,希望大家都玩得開心。
小編知道有啲朋友好想嚟,但係唔得閒嚟。無去到唔緊要,依家一齊重溫番BALL ROOM呢幾日精彩嘅活動啦!


第一樣當然係免費試玩啦!
桌上足球同埋桌上沙壺都深受大人同細路仔嘅歡迎,條隊排足五日好熱鬧架!

   
Muko (木哥) 同Angie (杏子) 仲喺最後嗰日嚟咗玩添!

今次展覽仲有兩個重頭戲:
POOLSOCCER® 星級示範賽  凱景足球隊 VS 男拔萃足球隊

     
兩隊喺POOLSOCCER枱上面都發揮得好好,而最後男拔萃足球隊以一球之差就羸咗凱景足球隊。

星級教練POOLSOCCER® 工作坊

   

凱景足球隊幾位現役隊員就化身為POOLSOCCER星級教練,落場教大家玩POOLSOCCER嘅技巧同玩法。呢個工作坊真係好受歡迎,三節都有好多人參加!

BALL ROOM 一直好希望可以將呢啲有創意嘅運動推廣到社區層面,引起大家對運動嘅關注,從而令大家多做運動。所以,BALL ROOM都好開心,今次可以成為參展商,將我地嘅理念同思維帶到會場當中,同大家分享。希望以後會有更多唔同機會再同大家見面,一齊再玩過!

    

最後,多謝各位對我地嘅支持,我地會努力不懈,繼續推陳出新,帶多啲好玩又有創意嘅玩意帶俾大家玩。所以,大家如果試玩完唔夠喉嘅話,真係要快啲上嚟一齊玩呀!

BALL ROOM | Lifestyle 生活品味 | Media 傳媒採訪 | Sports 體育世界 | Trend 潮流玩物 | Venue Update 場料報道